Sagara Teeram: August 2018

Monday, August 20, 2018

ప్రకృతి విలయతాండవం

మానవులు వరదల వల్ల కష్టపడుతున్నారని బాధపడేవడా!

ఓ మానవుడా! వారి కష్టానికి కారణమెవ్వరు?

కొండలను పిండి చేసే యంత్రాలున్నాయని భుజాలెగరేసిందెవరు?

వాటిని పనిలోపెట్టి గొప్పలు కొట్టుకున్నదెవరు?

నేను- నాది

తొమ్మిది నెలలు కడుపులో కాపాడి

స్వావలంబన వచ్చే వరకూ తమ రెక్కలతో

నన్ను రక్షించిన తల్లిదండ్రులని నేనిప్పుడు పట్టించుకోనోచ్!

ఎందుకంటే, ఇప్పుడు నా కాళ్ళ మీద నేను నిలబడుతున్నా కదా!

కన్నాక వాళ్ళు నన్ను పెంచక మానరు కదా!

1. అమ్మపోరుతో పాత పుస్తకాలు

సర్దడం మొదలుపెట్టిన నాకు

కనిపించింది వాటి మధ్య ఓ నెమలీక

ఆ ఈక తెచ్చిన మధురమైన జ్ఞాపకాల సవ్వడిలో

నా మనసు నెమలిలా నాట్యమడగా

సర్దుడు చెట్టెక్కె, అమ్మ నన్ను తిట్టె!

ఆరోగ్యకరమైన బాల్యం

ఆటంటే బయటే!

గోళీలాట కావచ్చు

గిల్లీ డండా కావచ్చు

పరుపందేలు కావచ్చు

కోతి కొమ్మచ్చి కావచ్చు