ఉద్వేగం

1.     నాకు సంతోషమొస్తే పట్టలేను

బాధ వస్తే కృశించిపోతాను

నా మనసు ఉద్వేగ భరితమైనది.

2.     మనిషన్నాక సుఖ దుఃఖాలుండవూ,

అని సమర్థించుకునే హేతువాద నైజం నాది

అందరిలా ఉండాలనుకోవడం మరి తప్పు కాదు కదా!

3.     ఈ ఉద్వేగం నాకు లేని కష్టాలనిచ్చింది

నా రక్త పోటుని పెంచి, నాకు అనారోగ్యాన్నిచ్చింది

నా జీవితంలో బాధ ఎక్కువయ్యింది.

4.     మనశ్శాంతి కోసం కొలను వద్దకి వెళ్ళాను

జీర్ణావస్థలో ఉన్నా కూడా పూలు పూయడం చూసి సంతోషించాను

ఈ వింతేమిటని ఆలోచించాను.

5.      బురదలోంచి పుట్టేది తామర పువ్వు

అయినా ఆ తామరాకుకి బురదంటదు, నీరూ అంటదు

ఈ నిజం నాకు జ్ఞానోదయం కలిగించింది.

6.     తామరాకు పైకి బురదా,

నీరు రెండూ చేరుతాయి

అయినా దానికి ఆ రెండూ అంటవు.

7.     నా జీవితంలో సంతోషాల నీరూ,

బాధల బురదా ఉన్నాయి

అయినా తామరాకు వాటిని అంటకుండా తన జీవితం వెళ్ళదీస్తోందిగా!

8.     నేనే తామరాకులా ఉంటే

నా ఉద్వేగం పటాపంచలౌతుంది

నా జీవితంలో స్థితప్రజ్ఞత నెలకొంటుంది.

***