చిట్టితండ్రి
పుట్టింది రెక్కాడితేగాని
డొక్కాడని పేద కుటుంబంలో
ఆకలి అలవాటైన అతనికి, కట్టేందుకు
బట్టలు కూడా కరువే!
ఆడిపాడాల్సిన పసితనంలో వయసుకి
మించిన భారం మోస్తున్నాడు-
చంకలో ఉన్న తమ్ముడు కాదు,
వాణ్ణి జాగ్రత్తగా చూసుకోవాల్సిన బాధ్యత
ఆ పసితతనపు అమాయకత్వం
మిగిలిన పిల్లలు వెకిలిగా నవ్వినా పట్టించుకోదు
వాళ్ళకేం తెలుసు, ఆ మనసులో
ఏముందో?
అందరిలాగా, అందరితో కలిసి
చదువుకోవాలని,
చదువు తప్ప మరేం బాధ్యతలూ
లేకుండా బతకాలని!
కన్న కలలు కలలుగా
మిగిలిపోతే, కనీసం చూస్తే కూడా తప్పా?
వాళ్ళు తన పేదరికాన్ని
అవహేళన చేసినా,
కనీసం కళ్ళకి బడి వేడుక
చూపించాలనుకున్నాడు,
ఆ పనే చేస్తున్నాడు, పాపం ఆ
చిట్టితండ్రి!
***************
No comments:
Post a Comment