చిత్రకవిత- రాజంటే...

రాజంటే...

రాజంటే... నలుగురు గుర్తించాలేమిటి, నేను మనసులో అనుకుంటే చాలదూ!

రాజంటే... నెమలి సింహాసనం ఉండాలేమిటి, ఓ నాలుగు ఇటుకలు సరిపోవూ!

చిత్రకవిత- అసలు, నువ్వు మనిషివేనా?

అసలు, నువ్వు మనిషివేనా?

మీదో సంపన్న దేశం

అందుకే ఓ ఖరీదైన కెమెరా కొనుక్కోగాలిగావు

ప్రపంచంలో వింతలూ-విశేషాలూ చూడ్డానికి బయల్దేరావు

అక్కడితో ఆగచ్చు కదా!

ఊహూఁ, పేదరికానికి ఫోటో తీద్దామని వెళ్ళావు

పేగులు కనిపిస్తున్న పిల్లని చూసి పొంగిపోయావు

ఆమె వెంట కాచుకుని కూర్చున్న రాబందుని గమనించి ఉబ్బితబ్బిబ్బయ్యావు

అసలు నువ్వు మనిషివేనా?

పేదరికం విలువ

1.     పేదరికం ఎరుగని ఓ తల్లిదండ్రులారా!

పేదరికం ఎంత నికృష్టమైనదో తెలుసా?

తిండికి మొహం వాచిన వారిని చూసి మొహం తిప్పుకుంటే చాలదు

లాప్టాప్ తో ఆడుకునే మీ చంటాడికి కొన్ని చూపండి

ఆడుకోవలసిన వయసులో వయసుకి మించిన భారాలు మోసే పిల్లలను,

ఎడ్లని మేపే చంటాళ్ళను, బాల కార్మికులై పొట్ట పోసుకునే వారిని-

వీరందరినీ లాప్టాప్ లో చూపి పేదరికం విలువ నేర్పండి,

మీరు పేదలు కానందుకు దేవుడికి ధన్యవాదాలు చెప్పండి.