సూర్యుడికి కోపం రాదు మరి?
వడ దెబ్బ తట్టుకోలేకపోతున్నావా?
నువ్వెన్ని చెట్లు నరికావో
గుర్తు తెచ్చుకో...
ఆ వడ దెబ్బకి నువ్వెంత సాయం
చేశావో తెలుసుకో!
వడ దెబ్బ తట్టుకోలేకపోతున్నావా?
నీ కారులో ఏసీ ఎంత చల్లగా
ఉందో గుర్తు తెచ్చుకో...
ఆ వడ దెబ్బకి నువ్వెంత సాయం
చేశావో తెలుసుకో!
వడ దెబ్బ తట్టుకోలేకపోతున్నావా?
తాగడానికి పచ్చి మంచినీళ్ళు
కూడా కరువయ్యాయా?
నువ్వెన్ని చెరువులు ఆక్రమించావో
గుర్తు తెచ్చుకో...
వడ దెబ్బకి నువ్వెంత సాయం
చేశావో తెలుసుకో!
వడ దెబ్బ తట్టుకోలేకపోతున్నావా?
ఈ భూమి నశించడానికి ఏయే పాపాలు
చేశావో గుర్తు తెచ్చుకో...
ఆ వడ దెబ్బకి నువ్వెంత సాయం
చేశావో తెలుసుకో!
నీ మీద ఆ సూర్యుడికి కోపం
రాదు మరి?
******************
No comments:
Post a Comment