1.
ఓటమినెదుర్కునేందుకు సంసిద్ధమయ్యానానాడు
మరో అవకాశం కోసం ఆగాలి ఆర్నెల్లు
ఆ ఎదురుచూపులలో ఓ శుభోదయాన
వరించె నన్ను విజయమ్ము
ఉప్పొంగిన
ఆ ఉల్లాసపు సడిలో ఉబికెను కన్నీటి ధారలు!
2. పుత్రుడు విదేశమున
ప్రయోజకుడయ్యెనని
ఉప్పొంగిన
ఉల్లాసపు సడిలో ఉబికెన్
కన్నీటి ధారలు
వాడు తల్లిదండ్రులని లెక్క
చేయకపోయినంతనె
ఆ ఉల్లాసపు ధారలయ్యె దుఃఖాశ్రువులు!
3. ఆటపాటల్లో గెలిచినవానికి
ఉబుకును
కన్నీటి
ధారలు ఉప్పొంగిన ఉల్లాసపు సడిలో
ఓడిన వాడికి కూడనుబుకునశ్రుధారలు
దీనర్థము గెలుపోటములు సరిసమానమే యని గదా!
4. పాఠశాలకు పోయినంతనె
చిన్ననాటి జ్ఞాపకాలు
గుర్తురాగా
ఆ మధురస్మృతులు ఉప్పొంగ
ఆ ఉల్లాసపు సడిలో ఉబికెన్ కన్నీటి ధారలు!
*****
No comments:
Post a Comment