చిత్ర కవిత- ఓ రాతి మనిషీ!

ఓ రాతి మనిషీ!

1.     ఓ రాతి మనిషీ! ఈ పిల్లల ఆక్రోశాలు నిన్ను కదిలించలేదా?

వీళ్ళ ఆకలి బాధను, పైకొచ్చిన పేగులను చూస్తే జాలి కలుగలేదా?

             నీ పిల్లలు ఈ స్థితిలో ఉంటే ఎలా అనిపిస్తుందో ఆలోచించు.

2.     ఓ రాతి మనిషీ! వాళ్ళ కర్మఫలాన్ని అనుభావిస్తున్నరంటావా?

           వాళ్ళ ప్రమేయంతో వాళ్ళీ భూమ్మీదకి రాలేదే!

           తప్పు కన్నవారిదైతే వాళ్ళని శిక్షించవచ్చా? ఆలోచించు.

3.     ఓ రాతి మనిషీ! వీళ్ళని బిచ్చగాళ్ళని చేయడంలో నీ బాధ్యత లేదంటావా?

నువ్వే ఈ పిల్లలని కన్నా వాళ్ళకి తల్లివో, తండ్రివో అయితే నీ పెంపకంలో లోపం లేదూ?

గురివింద గింజలా గొప్పకొట్టక కనికరంతో అలోచించు.

4.     ఓ రాతి మనిషీ! ఏమిటీ, నాకెటువంటి సంబంధమూ లేదంటావా?

పిల్లలని అడుక్కోనీయకుండా ప్రభుత్వానికి ఫిర్యాదు చేశావా?

స్వార్థం వీడి సామాజిక బాధ్యతతో ఆలోచించు.

5.     ఓ రాతి మనిషీ! ఏమిటీ సంబంధిత అధికారులు లెక్క చేయలేదా?

వారికి ఉద్వాసన పలకడానికి నువ్వేం చేశావు?

పోనీ, వారు బాధ్యత తెలుసుకునేలా ఏమైనా చేశావా? ఆలోచించు.

*****