చిత్రకవిత- దివ్య కాంతి

దివ్య కాంతి

ఒకే రకం పక్షులు నేస్తాలవుతాయి

మనుషులం మాత్రం అలా స్నేహం చెయ్యం

ఓ దేవా, నీ దివ్య కాంతి మాపై ప్రసరించు,

మాలో స్నేహం పెంపొందించు.

ఒక పక్క ప్రపంచం చిన్నదౌతోంది

మరోపక్క స్వార్థం మానవులపై గెలుస్తోంది

ఓ దేవా, నీ దివ్య కాంతి మాపై ప్రసరించు,

వసుధైవకుటుంబకాన్ని స్థాపించు.

మనుషుల తెలివితేటలు రోగాలపై విజయం సాధిస్తున్నాయి

కొత్త రోగాలు పుట్టుకొస్తున్నాయి

ఓ దేవా, నీ దివ్య కాంతి మాపై ప్రసరించు,

మా భూమిలో రోగాల బాధలను నివారించు.

ప్రపంచ సంపద పెరుగుతోంది

సంపన్న- పేదల మధ్య అంతరం కూడా అంటే!

ఓ దేవా, నీ దివ్య కాంతి మాపై ప్రసరించు,

సర్వ మానవ సమానత్వాన్ని స్థాపించు.

 మా వినోదానికి బోలెడు మార్గాలు

కానీ మాలో సంతోషం మృగ్యం

ఓ దేవా, నీ దివ్య కాంతి మాపై ప్రసరించు,

మాలో సంతోషాన్ని పెంపొందించు.

*******************